Kumadori | لا أستطيع الموت بسبب أمي !

Wednesday, August 19, 2015
مرحبا
تحية لشعب الأنمي أصدقائي الصدوقين
شخصية اليوم كانت الأساس لتدوينة سابقة | Kabuki 歌舞 伎 ● وعالم اللا مألوف ●
شخصية مميزة جداً ، وغريبة ، وعاهه .. نعم يا ساده شخصية عاهه من قلب


One Piece - Kumadori
واحد من أعضاء CP9 اللي طلعوا بآرك Enies Lobby
احتمال التقرير فيه حرق للي ما شاف ون بيس ، وفيه صور ترى لحد يقول ما قلت


اسمه: Kumadori クマドリ
عمره : 34 سنة
أول ظهور: بالأنمي الحلقة 264 ، وبالمانجا الفصل 375
السيو: 
Hiroaki Yoshida - ما عنده أدوار واجد ولا قام إلا بثلاث أدوار وكلها ثانوية


هالإنسان عبيط إلى أبعد درجة
يلوم نفسه واجد حتى على أغلاط غيره ، ويعالج هالغلط بطريقة Seppuku

ما تعوق معه يمسك سيفه ويحاول ينتحر إلا أنه يستخدم مهارة Tekkai من دون قصد في كل مرة يحاول يقتل نفسه ،
فيتصلب جسمه ولا يتأثر بأي ضربة !

تظنونه يدري أنه دلخ ؟
أبد ولا طرا له ، حاط بباله أن فشله في استخدام الـ seppuku هو لأن أمه تحميه من السماء
والأدهى والأمر أن أمه ما ماتت
زي ما صرّح أودا بمجلد 44 من الـ SBS ، وتشتغل قاتلة بعد
عموماً دايم خوينا وهو يهذري يتكلم عن أمه ، حتى في نص القتال

اسمه Kumadori هو نفس اسم الأصباغ اللي يستخدمونها ممثلين الكابوكي ،
وأكثر ما يميزه طريقة كلامه الغريبة وانفعلاته الأغرب وكلمة " YOYOI " اللي يرددها واجد
حتى ملابسه ووجهه مميز ، لابس البدلة الرسمية للـ CP9 بس ناظروا وش لابس برجوله .


يحب يشبه نفسه بالأسد ويعصّب لا شبهوه بحيوان ثاني زي الأخطبوط مثلاً >> أحد قال تشوبر ؟
وفي استطلاع مجلة شونين لأكثر شخصيات ون بيس شعبية ، احتل Kumadori المرتبة 122
ما ينلامون ، شخصيته مميزة جداً
قدراته ومهاراته :

يميز هالشخصية أنه يقدر يتحكم بجسمه زي ما يبي ،
ويُطلق على اللي مثله اسم 仙人 ) sennin ) في الأساطير اليابانية
 وهالسينين يقدرون يتحكمون بأجسامهم ، ويعيشون للأبد .
فيقدر يسيطر على هضم وامتصاص المواد الغذائية بحيث يسمن وينحف على مزاجه ، وش نقول بس ؟ يا حظه
ويقدر يتحكم بشعره ، ويُتقن جميع تقنيات Rokushiki الستة

 له خمس مهارات غير Rokushiki ، فيه منها القوي وفيه منها اللي مدري وش يبي .
● (Kami Shibari) 髪縛り Hair Bind : شعره طويل ويستخدمه عشان يربط خصومه ويشلّهم عن الحركة .
● Haru Gin Jou) 春・吟・情 Spring Poem of Passion) : هالمهارة يضرب فيها كومادوري خصمه بعد ما يثبته
 - استخدم هالشي على نامي -

● Yana Gin Jou) 柳・吟・情 Pure Oak Ferment) : نفس المهارة اللي فوق بس أنه استخدمها على تشوبر .
● houka, Kyushu) 消化吸収 Digestion, Absorption) : السيطرة على هضم وامتصاص المواد الغذائية .
● Shishi Kababu) 獅子樺蕉 (かばぶ) Lion Kebab) : بهالضربة يقوم خوينا ويسخّن جسمه أو شعره ويبدا يحذف خصمه بالكرات النارية .

قبل أختم التدوينة ، بأستعرض بعض الكوسبلاي لكومادوري
Cosplay






آرك انييز لوبي كان من أفضل آركات ون بيس وأكيد أن فانز نيكو روبين متفقين معي
دايم يطري على بالي وشلون يقدر المانجاكا يستوحي شخصياته من الأساطير والتراث اللي بعضنا يمر عليه مرور الكرام
هالمرة جت من نصيب Kumadori ، ممكن بعض الفانز يشوفونه عاهه ،
لكن عني أنا عجزت أنساه
أن شاء الله التدوينة عجبتكم ، دوزو لكل من مر

0 comments:

Post a Comment

Top