لي فترة مو بسيطة أفكر أشتري من هالموقع
طبعاً الموقع له فروع محلات واجد هنا بالسعودية
المحلات بالشرقية :
المارينا مول | ابن خلدون | الظهران مول | الواحة مول
لكني فضّلت أشتري من الموقع لأسباب :
أولاً : أنا ما أحب السوق واجد ، كثير أوقات ما ألقى شي يعجبني
وثانياً : بالموقع قطع خاصة بالأونلاين ما تنباع بالمحلات
فالخطة كانت إني أشتري منه هدايا للمواليد الجدد
وأشتري قطعة لبنتي بما أن خامات المحل تعجبني أصلاً
❤
❤
الشراء كان موفق صراحة ، لا بد من السلبيات
لكن كتجربة عامة راح تتكرر بإذن الله
الموقع يقدم كوبونات تخفيض موسمية
والبضاعة متجددة ، والقطع متوفرة أهم شي
الأسعار حلوة وفي متناول الكل
الشحن عن طريق أراميكس و DHL
قيمة الشحن حسب الوزن لكن لو تجاوزت مشترياتك مبلغ 375 ريال
يصير الشحن على أراميكس مجاناً
بعد عملية الشراء والدفع يرسلون رقم الطلب
ويقولون بعد ما يشحنون الطلب بيرسلون رقم تتبع لكن هالشي ما صار للأسف
وصلتني الشحنة خلال ثلاث أسابيع
وكان التغليف ممتاز ، وكل قطعة مغلفة بتغليف لحالها
القطع اللي اخترتها ما اختلفت عن شكلها ولونها بالموقع
والمقاسات تمام
هذي قطعة بنتي ، كان سعرها 116 ريال
رأيي عن الموقع بشكل عام
ممتاز ومتجدد ، وأسعاره حلوة ، وخاماته جميلة
لكن الجزم صراحة قليل مرة خاصة للأطفال أقل من سنتين
ما يرسلون رقم تتبع وهذي سلبية
مدة الطلب ممكن يشوفها البعض تطول ، بالنسبة لي عادية
تحويل العملة سهل يحسبونها لك بالريال أهم شي
موسم الشتاء ع الأبواب
اللي ودّه يجرب أنصح فيه
رابط الموقع مرة ثانية | هنا
في أمان الله
حمستيني 😊💕
ReplyDeleteالشحن مبآشر ؟ او لازم بريد امريكي !
ReplyDeleteمباشر للسعوديه
Deleteاختي انا طلبت طلبيتي يوم 7 ذا الشهر وكانت قيمتها الالف وخمسمئة ريال والشحن م كان مجاني عن طريق دي اتش ال بحدود 300 وحاجه مو هنا المشكله ، المشكله م رسلو لي رقم تتبع ولا اعرف هل طلبي انشحن او لا والموقع مو مبين اني شريت شي ، عكس موقع كارترز !!! فوق
ReplyDeleteحتى انا طلبيتي فوق ال500 والشحن م كان مجاني
ReplyDelete